ALAT SARANA HALUANG HAPELEK

ALAT SARANA HALUANG HAPELEK

1.      Sangku pelek, ije basuang behas kuntep kamara bau

2.      Tabalien hampatung pelek

3.      Bisak bendang 21 kabisak

4.      Lamiang turus pelek

5.      Duit karambang pelek

6.      Tanteluh manuk 1 kabawak

7.      Dahan manuk sakin pelek

8.      Benang lapik sangku pelek, kasan undus tanak

9.      Parapen tuntang garu manyan, tampung tawar

ALAT SARANA JALAN HADAT/HAPA HASAKI HAPALAS

1.      Dahan Manuk Bawui

2.      Amak Pasar

3.      Tasal, Jala, Jangkut, Tutup Ketel, Katip Lakar Batu Asa

4.      Garantung eka panganten munduk habambai

5.      Sawang jangkang nyahu

6.      Behas Tambak Raja

7.      Petak kasambuyan Raja

8.      Uei Rantihen Tingang

9.      Rangkan Panginan Simpan

AUH PARETEI MANTIR MAMELEK

AUH PARETEI MANTIR MANYAMBUT

1.    Narai batang jalanan ketun sampai rami-rami sinde. 2.    Narai ije puna mambatang jalanan ketun jalan imatep ngancang tali tatap imaksa ketun tame. 3.    Naray ije jalanan ketun puna lalau ampi kajuju ketun sampai kare dinding magin tir tar sinde sampai indu........ nyamah kaet dia tau bapander awi katarewen angatta. 4.    Tuh indu......... tuh dia tau barigas awi katarewen angat tuh ikei laku danum tatamba 5.    Masih hindai barigas salenga kaet ijang tinai palus hinai tau pander sarita. Angat balasut bakarah tuntang galang gual pupuh amun munduk. 6.    Harun indu....... barigas balias, narai ije sapuna sampai bara enda-endau palu jatun kapastian jalanan ketun. 7.    Janji helu bara ujan kawu, rahian bara ujan karangan, dan pandunah jikau keleh aun dia mimbit batang hamparang, ruwut rewa, unak duhi atawa tinai mimbit lasung, tisin suwang, saling uluh bawi beken awi bpk......... tuh dia pahias nahiu auh kutak pander ije dia sanunuh andau harian.

1.  Jalanan ikei manggau petak kosong hayak subur, tuntang baamas. 2.  Ikei tege tanaga ahli Ir. Perkebunan dan Ir. Pertambangan amun tege petak kosong subur hayak baamas ikei tatap tame. 3.  Pea kadia tir tar sinde alat canggih ayun ikei tuh ije inintu awi tanaga ahli perkebunan dan pertambangan, aran alat radar dengan rudal sana kana ih tutuk alat jikau mahi-mahi katajim, amun puna eka sasarae dia ulih ngitar hindai. 4.  Tuh aku nenga danum tatamba akan indu .......kau aka jeleng barigas auh basa CAS CARAS CAGAS MIHUP DANUM KAYU CAHAGAS AKAN INDU...... KAU JELENG BARIGAS. 5.  Tuh ikei manenga tatamba ije isin baliung, ike kitap, ije kalambar bahalai. Auh guna : -          Isin baliung hapa marakang bau, hapan isi hapa ngacok pinding amun dia iye hining. -          Kitap luntar tuh amun iye balasut ingipas intu iye eka iye sadingen. -          Bahalai akan lapik pupuh amun iye munduk melai laseh bele hagalang angat perasaa. 6.  Ikei helu nah tege hajanji, janji te melai karatas auh a melai hete amun tege tihang bandera bara bahalai laut batang talian saran jalan raya imatep jalan akan huma hapa tali kambang tege kia tihang bandera bahalai melai bentuk maka turus janji jikau nah ikei dia balang mangguang nyamah sampai eka ulue. 7.  Pandumah ikei tuh puna bujur bahalap, puti malenak bara usuk baung, lamus malisen baru upun bamban jalanan ikei ije sapuna dan sabuju-bujur MANUNTUT TETES HADANG LAMIANG jituh mawi ikei je tarus mangguang dia bundur amun dia dinu.

Dinding haluang hapelek inipas

Sangku pelek impalua palus inyaki awi Mantir Mamelek.

* AUH PEMBERKATAN WAKTU KAWIN *

1.      Huang aran Majelis Kelompok Agama Hindu Kaharingan, ketun ndue andau tuh SAH jari ingawin huang taharep Ranying Hatalla dan Jatha Balawang Bulau tuntang uluh bakas-bakas.

2.      Sebab kare syarat-syarat ketun ndue kawin jadi sukup manumun tantura awi Raja Uju Hakanduang ije mangawin suntu Manyamei Tunggul Garing Janjahunan Laut dengan Kameluh Putak Bulau Janjulen Karangan Limut Batu Kamasan Tambun intu Lewu Batu Nindan Tarung Kereng Angkar Bantilung Nyaring, manumun peteh Ranying Hatalla junjun helu huran.

3.      Ketun ndue ingawin manumun Pelek Indu Sangumang, iyete Pelek Hantelu Uju, ije jari inukas awi Ranying Hatalla akan Raja Uju.

4.      Uju Mantir Pelek jari mamelek tuntang mamumpung Rujin Pelek namunan Suntu Raja Uju hemben huran.

5.      Tuh ketun ndue manarima BERKAT manumum peteh Ranying Hatalla.

-       Impisikku ganam tuntang inanggareku aram Behas Parei Manyangen Tingang ie te :

INDU RANGKANG PANEKANG TULANG

Mangat batekang tulang, batekang bulau hambaruan ketun ndue mambelum arep.

MINA RUNTING PANIRING UHAT

Mangat tiring uhat ketun ndue, tiring isin dahan ketun ndue mambelum arep ketun ndue nyangkelang kulam garing ije beken.

MINA RUNTING BAPAYUN RAWEI

Mangat bapayu pander saritan ketun ndue aluh ketun ndue naharep Raja Ije Kalawang Langit dia bitim tulah tingang hinje kapandukam dengan Kanaruhan Bapager Hintan isen balitam tau sahu bungai.

INDU LAMBUNG PANUNJUNG TARUNG

Mangat malambung sewut saritan ketun  ndue, malambung untung ukur tuah rajaki ketun ndue, malambung tarung lumpat lawang langit.

Aluh nyapenda nyahu batengkung dia giring bulum, nyakuluk kilat hapantap isen ganjai tulang, aluh nyapenda pukung pahewan antang dia bitim sagila nyaring, mandui lawang labehun jatha isen tau nahimbur tambun, nyahu-nyahu tarung ketun ndue lampang hambabalang murik jalayann hulu danum, batarung kakatimbung ngumbang hila laut mangantung.

PUTIR SINTA RANTAYAN GANAN BEHAS

Sinta handiae ulun ije kapenda langit dengan ketun ndue, sinta kea kare Sahur Parapah ketun ndue, sinta kea Jatha Hatalla, kalute kea ketun ndue sinta IE tamparan taluh handiae.

MINA LINGGA GANAN TAWUR

Hataburan ketun ndue bulau urai (Behas Parei Manyangen Tingang), ngandang pating sumping bulau bawin Jatha Balawang Bulau, narinjet ngatah bitim Ranying Hatalla Langit Tuhan Tambing Kabanteran Bulan ije puna tampung sahur baragantung langit tundun parapah baratuyang hawun.

MINA MIRING PENYANG

Behas Parei Manyangen Tingang tuh puna miring pahayak ketun ndue, bara belum sampai buli haluli manalih Ranying Hatalla ije manjadian kare taluh handiae.

Kuruk Bulau hambaruan ketun ndue, ije jari matuh kabaluman ketun kilau batang panjang, huma hai tatean lumbah.

SAHIY